ಮಳೆ

ಮಳೆ ಬರುವುದೇ ನೆನೆಯಲು
ಕೊಡೆ ಏಕೆ ವ್ಯರ್ಥ ?
ಶಿವನ ಅಭಿಷೇಕದ ಜಲದಷ್ಟು ಪವಿತ್ರ
ನೆನೆಯುವುದೇ ಪುಣ್ಯ ಸ್ನಾನ
ನೆನೆಯುತ್ತ ಮರದಡಿ ನಿಲ್ಲುವುದೆಂದರೆ...
ಹಸಿ ಬಟ್ಟೆಯಲಿ ನಿಂತಂತೆ ಗುಡಿಯಲಿ
ಎಲೆಯಿಂದ ತಲೆ ಮೇಲೆ ಹನಿವ
ಪ್ರತಿಯೊಂದು ಹನಿ ಹನಿಯು ಹರನಾಶೀರ್ವಾದ !!

ಹೇಳೇ ಹುಡುಗಿ ನೀ ಯಾರು?

ನಿನ್ನ ನಯನ ಕಂಡು ನಾನು ಮಾರು ಹೋದೆನು
ನಿನ್ನ ತುಂಟಾಟ ಕಂಡು ಮೌನಿ ಯಾದೆನು
ಎಂದೂ ಕಾಣದ ನಗೆಯ ಇಂದು ಕಂಡೆನು
ನಿನ್ನ ಹೃದಯ ಜೈಲಿನಲ್ಲಿ ಬಂದಿಯಾದೆನು
ಹೇಳೇ ಹುಡುಗಿ ನೀ ಯಾರು?

ಸೂರ್ಯನ ನಗುವಿನಲ್ಲಿ ನಿನ್ನ ನಾ ಕಂಡೆನು
ಚಂದ್ರನ ಬಿಂಬದಲ್ಲಿ ನಿನ್ನ ಕಂಡೆನು
ದೇವರ ತೆರಿನಲ್ಲೂ ನಿನ್ನ ನಾ ಕಂಡೆನು
ನೀರಿನ ಅಲೆಯಲ್ಲೂ ಕಂಡೆ ನಿನ್ನನು
ಹೇಳೇ ಹುಡುಗಿ ನೀ ಯಾರು?

ನವಿಲಿನ ನಾಟ್ಯದಲ್ಲಿ ನಿನ್ನ ನಾ ಕಂಡೆನು
ಹಂಸದ ನಡುಗೆಯಲ್ಲಿ ನಿನ್ನ ಕಂಡೆನು
ಜಿಂಕೆಯ ಓಟದಲ್ಲಿ ನಿನ್ನ ನಾ ಕಂಡೆನು
ಮೊಲದ ಮುಗ್ದತೆಯಲ್ಲಿ ನಿನ್ನ ಕಂಡೆನು
ಹೇಳೇ ಹುಡುಗಿ ನೀ ಯಾರು?